2016年6月10日星期五

慎防物價升溫 加息更急 (信報 08/06/2016)

5月就業數字差到嚇死人,但你問十個人九個都認同,美國經濟算是全球最明朗的地方之一。有評論指出,如果美國聯儲局依照初衷,以數據指標來作加息決定,今日息口必定高出1厘以上。主席耶倫一番唔鹹唔淡的講話,市場解讀成6月加息機會近乎零,有否指標性?為官者最忌市場動盪不安,資金反應自然成為重要考慮。
議息結果下周自有分曉,但長遠而言消費物價指數(CPI)倒有關注價值。當原油價格重上50美元水平,貼近一年計高位,連帶谷起汽油價格。2月中預期油價將由低位反彈逾50%的美銀美林認為,由於去年末的能源價格處於極低位置,受基數效應影響,美國今年底的CPI有機會大幅回升。若樂觀預測汽油價格升至2.06美元一加侖,數字更有機會升至3.5%。
氣候影響糧食產量
能源價格之外,環球食品價格回升亦甚為明顯。有位人稱朱老闆的死黨,專營本地食米進口生意。早在兩星期前,他得知部分大米種植國面對今年天氣有變,下半年將出現失收情況,便大舉落單掃貨。炒米好過炒股,係咪講都冇人信?
無獨有偶,全球最大甘蔗生產國巴西受暴雨影響,使收割與港口裝載工作受到阻礙,原糖期貨價格漲至兩年新高。
同樣預期產量不穩,粟米價格升至近11個月新高,大麥升至7個月高位。美國上市的PowerShares德銀農業指數ETF(DBA)從低位回升,不妨留意此勢頭能否持續。
顧慮太多,短期維持息口不變,是聯儲局的合理選擇。不過,如果通脹指標「意外」地攀升,下一次加息勢頭,大有可能變得既急且狠。