2015年7月27日星期一

內地有幾多隻漢能?- 八點鐘費Sir

《八點鐘費Sir》朝朝早起,準時八點,拆解股壇內大小變動。

何為股權質押貸款?大股東持有最大手公司股權,見市升時不欲沽貨套現,他們便向銀行、iBank、券商埋手,進行抵押借貸,額度為整批股票鏇值再打拆。

半年前,人人話阿爺叫個市升,A股騰飛,上市公司高層信到十足,進行抵押借貸,再將資金回流股市,炒高自家股份。紙上富貴,是上帝讓人瘋狂的一貫手法。

漢能(0566)自行停牌又得,點解證監唔比它復牌,李君河大炒大鬧?全世界都知有人自己炒自己,現在沒得沽貨埋單,食息食死佢。沒錯!A股唔知有幾多隻漢能。一下反轉豬肚,A股回落,阿爺托市,唔比5%以上持份者沽貨,會發生咩事?

其實最危險的,乃心雄借錢出去果班。市好時,人人為了做好業績大借特借,現在唔知幾多收得番。A股大跌,內地金融體或許危危乎,港股為了「南水北調」唯一渠道。中州證券折讓17.5%配股籌25億,或顯示問題幾嚴峻。別被內地銀、券、保三系的中期業績誤導,股價明顯積弱未見底,咪撈!

國美(493)向黃光裕買資產,料後者強勢回歸,是日復牌看市場反應。