2015年5月15日星期五

睇通睇透都冇用 - 八點鐘費Sir

《八點鐘費Sir》朝朝早起,準時八點,拆解股壇內大小變動。

對於我造淡港交所,朋友阿Fung意見︰首季業績只計到3月,差係正常,大成交既日子由4月開始。我回應︰It is a good analysis, but not good for trading ... 事實是這樣,又如何?

幾多朋友試過以下經歷?() 見業績好追入,轉個頭即輸;() 消息出爐,股價不如預期走向,認定市場不理性而反向操作,中伏 大家會賴運數,還是深思過衰什麼?勤力做功課,理性思考,但諗法太簡單,一樣死。

曾講過,香港教育制度難出創業家及投機者,點解?則重考試,答案只有對與錯,難訓練多方向思維。上述情況,等同你去釣魚,見到岸邊退潮時執包袱,忽然有人同你講,潮汐純粹由引力主導,好快會漲番 咁你系咪打算唔走,等多三四小時?

價值投資並非純粹識睇財務報表,也要考慮什麼時候買賣的。見過太多分析師、會計師,思維只識去尋找客觀真相,卻忽略市場的反應。以為自己講金融最叻的人,投資表現往往比三姑六婆更差。

道理唔難明,點樣克服乃後話,我之前在堂上倒用了大篇幅作討論,企願同學仔有點得著。開班純粹個人興趣及行善積德,惟身心透支原來不少於實際操作,我要點時間抖抖。

其他戰友分別在造淡中資券商股,道理應該如出一轍︰投機本義,不在乎真相,而是建基於歷久不變人性。