2015年4月18日星期六

咪諗多左 (信報 19/04/2015)

唔夠一個月時間,由身旁親友對股票既敬且畏,到日日被人問貼士攞料,個市有幾活躍,我好清楚。刻下普羅大眾不止諗入市,更樂於對「股票」、「投資」等詞彙自我修飾,鹹甜任加,果真滑稽。

坊間最多人提及的,莫過於「買賣股票是零和遊戲(Zero Sum Game)」。背後意思︰輸錢?你只是被巧取豪奪的受害者;贏錢?你就是損人利己的吸血鬼!硬要令自己在任何情況都唔開心的人,邊會有機會在市場提款。

轉換股票創造價值

取而代之,我寧可想投資買賣,純粹視在一種「轉換」。唔計隕石撞落地球,或太陽長期釋放能量,地球的物質及資源量可謂長期均衡。無論水由蒸汽化作雨水,抑或農民利用肥料或灌溉,人工地將種子變成農作物,廠家將原材料變成新物件,也是「轉換」,不過當中創造出「價值」一樣。

何以一些實業家會被指以霸權謀利,投機者利用智慧與經驗,將資源(錢)調配來創造價值,卻被大眾鄙視?除了眼睛只見高回報而不見潛在風險之外,許多腦袋依然認為,投資或投機,始終屬於「不勞而獲」之事。有此想法者,請及早離去!

長期投機提款工具

更為嚴重而廣泛的,莫過於「投資是唯一發達途徑」。問題是,這想法當市況低迷時唔見成形,但後知後覺股市破頂時,你先至去諗。真心話,見勢色不對,先來臨急抱佛腳的大批股民,正好向我等飲了幾年淡水的投機者進貢。

畢業後,一直忠於自己學識而在香港科技行業貢獻,現在成就比我更好的同齡同學一大堆,教我一直深信「行行出狀元」。唔同人有唔同的個性及專長,只有搵到屬於自己的領域,一步步地Give & Take(最近一本暢銷書名,誠意推薦),何愁衣食無憂?

況且,現今香港教育制度之下,只可訓練出高學歷而服從度高的員工。至於適合創業及全職投機的新一代?缺乏特別栽培及思維上頓悟,難矣。

還是一句,我只當股票是工具,用來長期投機提款,毋須諗多。只會向股票戶口cash in,從沒想過如何cash out的對手日漸加,絕對是好事。