2015年2月4日星期三

八點鐘費Sir - 搏油股反彈

《八點鐘費Sir》朝朝早起,準時八點,拆解股壇內大小變動

每當朋友(s)中「冧把降」的,便走來問卜︰「呢間公司業績 內地生意有幾勁 個個都話佢好架!」聽到第三句,我大致會斷估隻股票唔得!

1987年上映的《華爾街》,Gordon Gekko一句:「Come on pal, tell me something I don't know, it's my birthday. Surprise me.大佬!如果人人都知到佢好,仲買落去?接貨呀?

去年十二月,南北車合併消息公佈後夾升,我唔明點解好多人咁心急追。當全民憧憬什麼協調效應,短期仲有資金買上?隔兩個月,你都買平左10%

所以,發掘到潛在機會,我都會隨機問問同行意見。至少一兩人表示未聽過,或者抱有疑惑,搏得過!若果大家都諗法相同,唔 ... 睇多陣先!

曾經講過,假如普京要拯救俄羅斯經濟,立即對烏克蘭停火並向西方釋出善意就得(佢當然唔會)。早前許多人問︰油價幾時見底?God Knows!不過,所謂「供求消息」只可作「馬後炮」吹水。可影響市場走向的,就是一點「突如其來」。

昨日晨早,Facebook Fans Page分享了BBC News,有關美國油田工人罷工的報導。正常人會諗︰「事件會影響石油供應嗎?」而予以輕視,但全球投機者的思考,會以對手反應來出發。新不確定性(uncertainty)出現,原本主導油價的淡友覺得搏唔過而收手離場,油價就可短期來個大反彈。

在操作上,我昨日上午在$10.68幫客入了一定的中海油(0883)。早前油價跌,香港上市三大油股價殘,表現早一兩星期已不跟隨油價。加入上述思維,搏油價短期反彈,並非穩賺,但潛在風險與回報比合理就夠。

*作者客戶持有中海油(0883)


罷工消息: http://bbc.in/1KpeWvQ